ټاکل شوې چې روانه اوونۍ کې به له افغانستان څخه تر ۴ زره د ډېرو امریکايي پوځیانو د ایستلو اعلان وشي.
این بي سي نیوز وايي چې امریکايي چارواکو ورته نه دي ویلي چې امریکا به دقیقاً کله له افغانستانه د خپلو پوځیانو ایستل پیل کړي خو ویلي یې دي چې دا کار به په څو میاشتو کې وشي.
دوو امریکايي چارواکو دې تلویزیوني شبکې ته ویلي چې یو شمېر پوځیان به د افغانستان له خاورې وروغواړي او یو شمېر نور به چې د ماموریت موده یې پوره کېږي راوباسي او پر ځای به یې نور ځواکونه افغانستان ته ونه لېږل شي.
د دغو ځواکونو له ایستلو وروسته به په افغانستان کې د ۸ زره او ۹ زره ترمنځ امریکايي پوځیان پاتې شي.
افغانستان کې د امریکايي ځواکونو یو ویاند بیا ویلي، تراوسه د سرتېرو د کموولو په تړاو ورته لارښوونه نه ده شوې.
