د ناټو ملکي استازي نیکولاس کې ویلي، دوی د افغان حکومت ملاتړ ته ادامه ورکوي او هیله لري چې د ټاکنو پایلې زر اعلان شي.
نیکولاس کې د ټاکنو پر کمېسیون غږ کړی چې د ولسمشریزو ټاکنو پایلې دې زر اعلان کړي څو نوی حکومت کار پیل کړي.
د ناټو دغه ملکي استازي همداراز له نوماندانو غوښتي چې د ټاکنو کمېسیون له لوري اعلانیدونکې پایلې ومني او قوانینو ته درناوی وکړي.
د سولې په اړه هم ویلي، چې هیله لري ژر تر ژره د افغانستان د سولې پروسه پایلې ته ورسېږي او په افغانستان کې روانه جګړه پای ومومي.
