د ټاکنو خپلواک کمیسیون وايي په نږدې ورځو کې به د ولسمشریزو ټاکنو لومړنۍ پاېلې اعلان کړي.
ټاکنو کمیسیون تمه پيدا شوې چې په لنډو څو ورځو کې به خپل اوه تړل شوي ولایتي دفترونه پرانیزي .
که د تړل شویو دفترونو د پرانیستې په تړاو له معترضو نوماندانو سره خبرو پایله ورنه کړه ټاکنو کمېسیون بدیلې لارې کاروي.
په اوه ویشتو ولایتونو کې د رایو بیا شمیرنه او تفتیش خلاص شوی او مرکزي ډیټیا بیس ته یې د پورته کولو کار روان دی.
له دې سره یو ځآی ټاکنو کمېسیون د پایلو اعلان نيټې باندې هم کار کوي چې کله یې اعلان کړي.
دولت جوړونکي ټاکنیز ټیم بیا پر ټاکنو کمیسیون نیوکه کړې، چې ګني دغه کمیسیون د ځینو فرصت غوښتونکو کړیو د فشارونو له امله پایلې ځنډولې دي.
دغه ټیم وايي د قانون پر اساس ټاکنو کمیسیون کولای شي چې له اووه تړل شویو ولایتونو پرته لومړنۍ پایلې اعلان کړي .
د ټاکنو کمیسیون د مالوماتو له مخې په اووه ویشتو ولایتونو کې د رایو د بیاشمیرنې او تفتیش بهیر بشپړی شوی او مواد یې هم مرکزي کمیسیون ته رسیدلي چې دمګړۍ یې د انټیک ، سکن او سیستم ته یې د داخلیدو چارې روانې دي .
دعبدالله عبدالله ، ګلبدین حکمتیار او رحمت الله نبیل په مشرۍ ټاکنیزو ټیمونو د بیاشمیرنې له بهیر سره پریکون کړی او د شمال په هغو ولایتونو کې د ټاکنو کمیسیون دفترونه ورتړلي چې زیاتې رای پکې لري .
