افغان حکومت په یو شمیر هېوادونو کې خپل سفارتونه تړي.
د ولسمشر مرستیال ویاند دوا خان مینه پال ویلي، ولسمشر غني د بهرنیو چارو وزارت ته لارښوونه کړې ده چې په هغو هېوادونو کې سفارتونه وتړي چې له ګټې یې لګښتونه زیات دي.
تر اوسه د هغو هېوادونو نومونه نه دي په ډاګه شوي چې افغان حکومت غواړي خپل سفارتونه په کې وتړي.
مینه پال ویلي چې د بهرنیو چارو په وزارت کې پراخ اصلاحات روان دي او ولسمشر په مستقیمه توګه ددغه اصلاحاتو څارنه کوي.
د بهرنیو چارو وزارت هم اعلان کړی چې په دغه وزارت کې له اصلاحاتو یې موخه دا ده چې له نورو هېوادونو سره د افغانستان ډېپلوماسي اقتصاد محوره شي.
