ولسمشر ډاډ ورکړچې وسله وال پوځ بې پرې دی او لارښوونه یي داده چې بې پري واوسي.
ولسمشر ټینګار پر دې و چې هېڅوک د قانون حاکمیت پر وړاندې خنډ نه شي جوړولی او پخوانی افغانستان نه دی چې څوک دې په زور دامتیاز اخېستلو هڅه وکړي.
محمد اشرف غني نن سه شنبه د محمد قسیم فهیم په نظامي پوهنتون کې د ښځو پر وړاندې د تاوتریخوالي مخنیوي په غونډ کې ښځینه سرتیرو او افسرانو ته وینا کوله .
محمد اشرف غني وویل، داعش په ننګرهار کې ختم شوی او په ټول هېواد کې به یې له منځه یوسي.
ولسمشر وویل، وسله وال باید پوه شي چې له یو قوي حکومت سره مخامخ دي او لمنځه یې وړي.
غني ډاډ ورکړ چې سولې ته ژمن دی خو داسې سوله چې د ښځو حقونه خوندي کړي، امنیت او ټیکا راولي او بلاخره د هېواد پرمختګ لامل شي.
افغان ولسمشر دافغان ځواکونو په لیکو کې د ښځینه سرتېرو او افسرانو مېړانه و ستایله چې د ناسم دود خلاف یې له خاورې دفاع پيل کړې.
ولسمشر پرخلکو غږ وکړ چې د وسله وال پوځ په لیکو کې د ښځو ونډه لا پياوړې کړي خو ژمنه یي داوه چې د افغان ځواکونو په لاسته راوړنو به معامله ونه کړي.
