د تیر کال په پرتله د ښځو پر وړاندې تاوتریخوالی زیات شوی دی.
اجرایه رییس مني چې په تیرو پنځو کلونو کې د تاوتریخوالي د مخنیوي لپاره یواځې تګلارې جوړې شوي خو عملي شوي نه دي.
د بشر حقونو په چارو کې د دولت وزارت بیا د ښځو پر وړاندې د تاو تریخوالي لوی او اصلي لامل دلته له لسیزو روانه جګړه بولي.
د نومبر ۲۵ مه د ښځو پر وړاندې د تاوتریخوالي د مخنیوي نړیواله ورځ ده .
په هیواد کې د ښځو چارو وزارت په داسې حال کې دا ورځ لمانځي چې د تیر کال په پرتله د ښځو پر وړاندې تاوتریخوالی زیات شوی دی.
د ښځو چارو وزارت بیا د روان وضعیت لاملونه جګړه ، بې وزلي او د قضیو په څیړلو کې د زورواکو لاسوهنه په ګوته کوي.
(( سږکال د ښځو پر وړاندې د تاوتریخوالي ۶۶۴۹ قضیې ثبت شوي ؛ ۳ صحرایي محکمې په بادغیس او غور ولایتونو کې ؛۶۸۲ قضیې چې جرمي اړخ یې نه درلود؛۴۵۶ حقوقي قضیې ؛ ۲۸۸۶ جرمي قضیې ؛۳۸ حاد ( ګرمې ) قضیې؛ ۲۱ د قتل قضیې ؛۶ د جنسي تیري ؛ ۲ قضيې له وسلوال مخالیفینو سره د حبس ؛ ۵ صحرایي محکمې ؛ ۱ قضیه د پلور ؛ او ۳ د دار ځړولو قضیې ثبت شوي دي .))
اجراییه رییس چې له تیرو پینځو کلونو راهیسې د همدې حکومت نیمایي برخه ده، اعتراف کوي چې د ښځو حقونو د خوندیتوب لپاره وعدې زیاتې شوي خو عمل کې بیا څه نشته.
بشر حقونو کې د دولت وزیره سیما سمر بیا د ښځو پر وړاندې د تاوتریخوالي اصلي لاملونه په افغانستان کې له لسیزو راهیسې روانه جګړه بولي چې په خبره یې د ښځو حقونو لپاره کار نه دی شوی.
ښځو چارو وزارت د تاوتریخوالي د لمنځه وړلو په موخه شپاړس ورځنی کمپاین پيل کړی چې تر اوسه په ۲۲۴ والسوالیو کې ترسره شوی دی .
