د فراه پشترود ولسوالۍ کې د بهرنیو ځواکونو هوايي برید کې ملکي کسان وژل شوي.
د فرا پشترود کې د غوڅ ملاتړ ماموریت ځواکونو هوايي برید کې شپږ ملکیان وژلي او پنځه نور یې ټپیان کړي دي.
سیمه ییز خلک وايي برید د یکشنبې په شپه د پشترود ولسوالۍ ګجګین کلي کې پر جومات شوی دی.
د فراه سیمه ییز چارواکي برید مني خو وايي، وژل شوي ملکي وګړي نه دي طالبان دي.
دوی نیوکه کوي چې ګنې تېره شپه یې پر جومات هوایي برید شوی چې ملکي وګړو ته یې مرګ ژوبله اړولې ده.
دوی وايي برید د ماښام لمانځه تر ادا کولو وروسته د جومات څخه د خلکو د راوتلو پرمهال شوی چې له امله يې اته ملکي وګړي وژل شوي او او پنځه نور ټپیان دي.
ولایتي شورا وايي وژل شوي ټول ملکي وګړي دي او له ولسمشره غواړي چې نور دا ډول بریدونه ودروي.
د فراه د امنیه قومندانۍ ویاند دغه برید کې ملکي وګړو ته د اوښتې مرګ ژوبلې په اړه څه نه وايي خو ادعا کوي چې وژل شوي ټول طالبان دي .
د فراه د ملکي روغتون مسؤولین وايي د پيښې له ځایه اته مړي او پنځه ټپیان وروړل شوي چې په ټپیانو کې ماشومان هم شامل دي او روغتیايي وضعیت يې سم نه دی.
