روسیه غواړي چې ایران د افغان سولې بهیر کې شامل کړي
د روسیې د بهرنیو چارو وزیر سرګي لاوروف ویلي، ایران هم د مسکو، چین او امریکا په څېر د افغانستان د سولې پروسې ته باید شامل کړای شي.
سرګي لاوروف ویلي، روسیه، افغانستان کې له امریکا سره په مذاکره بوخته ده او اوس د روسیې – چین تر منځ پاکستان هم شامل شوی، خو په وینا یې مهمه دا ده چې اوس ایران هم شال شي.
روسیې ویلي، د افغان سولې پروسه کې د ایران شمولیت هیله بښونکی دی.
افغان حکومت ويلي، افغان سولې پروسه کې د دغو هېوادونو له رول سره ستونزه نه لري، خو دا رول باید تخریبوونکی او د افغانانو د غوښتنو خلاف نه وي.
له دې سره د روسیې لومړي وزیر دمیتری مدودوف له اجرایه رییس عبدالله عبدالله سره په کتنه کې ویلي، روسیه علاقه لري چې له افغانستان سره د سوداګرۍ ګراف لوړ کړي.
مدودوف ویلي، په دې وروستیو کې د کابل او مسکو ترمنځ د سوداګرۍ کچه ټیټه شوې، خو دوی هڅې کوي چې افغنستان کې پانګونه وکړي او سوداګريزې اړیکې پراخه کړي.
د روسیې لومړي وزیر ویلي، هېواد یې چمتو دی چې افغانستان کې په زیربنایي برنامو پانګونه وکړي او دغه راز پخوانۍ طرحې هم بشپړې کړي.
