ننګرهار کې د بهرنیانو په ګډون ۱۸ داعش وسله وال تسلیم شوي دي.
ننګرهار کې ۱۹ بهرنۍ داعش مېرمنې له خپلو ۳۵ماشومانو سره ملي امنیت ته تسلیم شوي.
له دې سره اتلس نور داعش جنګیالي هم تسلیم شوي، چې درې په کې د اردن او یو یې د پاکستان د بنجاب اوسیدونکی دی.
ملک زید چې د اردن اوسیدونکی دی وایي اوس هم په یاد ولایت کې نږدې درې سوه بهرني داعش جنګیالي خپلو کورنیو سره شته او غواړي چې تسلیم شي؛ خو ډاریږي.
د ننګرهار ملي امنیت بیا ویلي، چې په داعش یې ورځ سره کړې او له مجبورې تسلیېمږي.
تازه تسلیم شویو کې شپږ طالبان او اتلس داعش جنګیالي دي، چې درې په کې د اردن او یو په کې د پاکستان اوسېدونکی دی.
والي شاه محمود میاخېل وویل: پر دوی سربېره ۱۹ بهرنۍ مېرنې له خپلو ۳۵ ماشومانو سره هم ملي امنیت ته تسلیم شوي؛ خو رسنیو ته یې ښکاره نه کړل.
د اردن هېواد اوسیدونکی ملک زید وایي، افغانستان ته له خپلې کورنۍ سره د جهاد لپاره راغلی و.
ملک زید وویل (( زه د انټرتیت له لارې د داعش لیکو ته جلب شوی وم، لومړی ترکیې ته راغلم او بیا له ترکېې د ایران له لارې افغانستان ته د جهاد لپاره راغلم او دهسکې مېنې ولسوالۍ په اوغز سیمه کې له نورو ملګرو سره اوسېدم،
موږ باندې هلته د ډېرو خبرو بندیزو او سختۍ هم زیاتې وې، موږ چې افغان ځواکونو ته تسلیمېدو د ورځې موډوډۍ هم نه وه خوړلې.
د داعش په لیکو کې اوس هم نږدې درې سوه بهرني جنیګیالي له خپلو کورنیو سره په ننګرهار کې شته او غواړی چې تسلیم؛ خو ډاریږي.))
له دې سره د ننګرهار د ملي امنیت مشر وایي، داعش ډله یې په دې ولایت کې سخته ځپلې او له مجبورې افغان ځواکونو ته تسلېمېږي.
ډګرجنرال نظرعلي واحدي داسې وویل (( تاسې چې دا ډله ډله داعش جنګیالي ګورئ چې تسلیم کیږي،دا په دې مانا ده، چې ننګرهار کې داعش ماتې خوړلې او نور د ختمېدو په حال کې دي، ننګرهار به نور دداعش لپاره ښه ځای نه وي او له منځه به لاړ شي.))
داعش وسله والو بیا د چارواکو د خبرو په غبرګون او د یادو کسانو د تسلېمېدو په اړه رسنیو ته څه نه دي ویلي.
