د افغانستان په اړه جوړیدونکې دې غونډې ته چې ټاکل شوې د روانې میاشتې په پنځه ویشتمه جوړه شي پاکستان، چین، امریکا او روسیه به د افغان سولې پر بیا پیل او د روانې جګړې په پای ته رسیدو خبرې وکړي.
د پاکستان په اړه باوردادی چې دغه هېواد تل د افغانستان پر وړاندې دوه مخی چلند کړی دی.
د ملګرو ملتونو نړیوال مالي اقدام له دې امله پاکستان په خړ لیست کې اچولی چې د ترهګرۍ په ملاتړ، روزنه او تجهیز تورن دی.
له دې سره چین غواړي چې د افغان سیاستوالو او طالبانو تر منځ د سولې ناسته جوړه کړي.
بیجنګ د دغې ناستې لپاره له افغان حکومت غوښتی چې خپل استازي ور وپيژني خو غیر رسمي راپورونه وايي، چې حکومت له چینايي چارواکو غوښتی چې د ټاکنو د پایلو تر اعلان پورې دې ورته صبر وکړي.
پخواني جهادي قوماندان محمد اسماعیل خان رسنیو ته ویلي، بیجنګ د طالبانو او افغان سیاستوالو تر منځ د سولې ناستې ته ۳۰ کسان سیاستوال وربللي دي چې مشري به یې د حامد کرزي پر غاړه وي.
وړاندې تر دې روسیې او پاکستان د افغان سیاسونو او طالبانو ترمنځ د مخامخ خبرو لپاره غونډې درلودې خو ښکاره پایله یې تر اوسه نه ده ورکړې.
ارګ بیا تل ټینګار کړی چې د سولې خبرې دې د افغان حکومت په مشرۍ وي.
