د ارزګان په ګیزاب ولسوالۍ کې د سختې جګړې په مهال افغان ځواکونو ته مرګ ژوبله اوښتې ده
ارزګان کې سرچینې وايي ګیزاب ولسوالي کې له تېرې ورځې راهیسې سخته جګړه روانه ده او اته کمانډو سرتېري، پنځه پولیس او دوه د ملي اردو سرتېرو جسدونه له وسله والو سره پاتې دي، ۱۶ سرتېري یې ژوندي نيولي، خو سرچینې ونه ویل چې په دغه جګړه کې تر اوسه طالبانو ته څومره مرګ ژوبله اوښتې ده.
د سرچینې په خبره، د یادې ولسوالۍ ډېره برخه طالبانو نيولې او که هلته مېشتو سرتېرو ته مرسته ونه رسېږي، دغه ولسوالۍ به په بشپړ ډول وسله وال ونیسي.
سیمه ییزو چارواکو تر اوسه په رسمي ډول ددغې جګړې پخلی نه دی کړی، طالبانو بیا ادعا کړې چې دغې جګړه کې یې ۱۴ کومانډو او یو شمیر نور سرتیري وژلي دي.
