القاعده او داعش ډله لا هم افغانستان او امریکا لپاره د جدي ګواښ په توګه مطرح دي.
ولسمشر چې د امریکا کانګرس پلاوي سره یې خبرې کولې وویل، طالبان ترهګریزو ډلو ته د فعالیت زمینه برابر وي او په قصدي توګه ملکي وګړي خپل هدف ګرځوي.
ولسمشر غني وویل، هغه سوله ورته لومړیتوب لري چې د افغانانو په مشرۍ، مالکیت وي د اساسي قانون ارزښتونه او د ښځو حقونه په کې خوندي شي.
ښاغلي غني وویل، افغانستان کې د امریکا متحده ایالاتو د حضور څرنګوالی د دواړو هېوادونو ترمنځ په لاسلیک شویو تړونونو پورې اړه لري او په راتلونکې به د دواړو هېوادونو ترمنځ افغانستان کې د امریکايي ځواکونو د حضور د څرنګوالي د هر تصمیم په اړه بحث وشي.
د امریکا نګرس مشرې نانسي پلوسي وویل، افغانستان کې زموږ د حضور دلیل دا دی چې یو وخت طالبان د هغو تروریستانو کوربه وو چې پر موږ يې برید وکړ او موږ هیڅکله نه غواړو چې افغانستان دوباره د تروریستانو پر ځاله بدل شي.
