له څلورو اونیو راهیسې ولسي جرګه د غونډې اجنډا نه لري.
ولسي جرګه له تېرو څلور اوونیو راهیسې د غونډې اجنډا نه لري او ډير کله نصاب هم نه پوره کیږي.
د جرګې منشي وایي، کمېسیونونو تېرو څلور اوونیو کې اجنډه نه ده وړاندې کړې.
نن شنبه په اداري پلاوي نیوکه وه چې د غونډې تر پيل پورې غیر حاضر وي او ناوخته راځي.
اوس ځینو غړو ټینګار کړی چې هره ورځ دې په علني ډول تالار کې حاضري واخیستل شي.
د وکیلانو د غیر حاضرۍ له کبله له سلو زیات د قوانینو مسوودې د تصویب لپاره انتظار باسي.
