نیمروز او زابل ولایتونو کې د امنیتي ګواښونو له امله دولس روغتیايي مرکزونه وتړل شول.
زابل او نیمروز کې د لوړو امنیتي ګواښونو له امله ۱۲ روغتیايي مرکزونه وتړل شول.
د ملګرو ملتونو بشري مرستو د همغږۍ دفتر اوچا لیکلي، ددغو ۱۲ مرکزونو په تړل کیدو دوه سوه زره کسان له روغتیايي خدماتو محروم شوي دي.
په راپور کې راغلي چې د دغو مرکزونو د بیرته پرانیستلو لپاره یې خبرې پیل کړي دي.
د ملګرو ملتونو د راپور له مخې د روان کال له پيله د تیرې سپټمبر میاشتې تر یوولسمې نیټې په ټول هېواد کې پر مرسته رسوونکو باندې درې سوه نوولس بریدونه شوي چې ۱۹ مرسته کوونکي په کې وژل شوي، ۳۱ یې ټپیان او ۳۳ نور تښتول شوي دي.
