پولیسو ته امر شوی چې غیر قانوني وسلې او وسایط ضبط کړي.
کورنیو چارو وزارت د غیرقانوني وسلو او وسایطو د ټولولو په موخه امر کړی، چې په پلازمېنه او ټولو ولایتونو کې له غیرمسووله وسله والو غیر قانوني وسلې او وسایط ضبط کړي.
تر اوسه د ملي پولیسو د ځانګړو ځواکونو د تلاشۍ تمځایونو په لړ کې د ۱۴۳ تورو ښیښه لرونکو زرهې موټرو ښیښې پاکې او ۳۱ عرادې بې اسناده موټر قید او ضبط شوي دي.
له وړمې ورځې راهیسې د ملي پولیسو ځانګړو ځواکونو له نورو امنیتي ځواکونو سره یو ځای د کابل ښار په بېلا بېلو برخو کې د تلاشۍ تمځایونه جوړ کړي، چې ګڼ شمېر غیرقانوني او بې اسناده وسلې او وسایط یې ضبط کړي دي.
کورنیو چارو وزارت له هېوادوالو غواړي، چې د تورو ښیښو موټرو د پاکونې او غیرقانوني وسلو او وسایطو په ضبط کې له خپلو ملي پولیسو سره همکاري وکړي.
