دثبات او همپالنې ټیم اندیښنه وښوده چې په ټاکنو کمیسیون کې ددوی پر ضد درغلي روانه ده.
ټاکنو کمیسیون د دولت جوړونکي ټیم په ګټه له دغه ټیم سره په همغږۍ سیسټماتیکه درغلي پیل کړې.
د ثبات اوهمپالنې ټیم تور پورې کړی چې ټاکنو کمیسیون په ډير ماهرانه ډول غیر بایو میټریک او باطلې رایې سیسټم ته پورته کوي .
دغه ټاکنیز ټیم وايي ټاکنو کمیسیون ددوی د سیال ټیم سره په همغږۍ د سیستماتیک تقلب له لارې غیر بایو میتریک شوې او تورې رایې د دولت جوړونکي ټیم په ګټه سیسټم ته پورته کوي .
د ثبات او همپالنې ټیم دویم مرستیال اسدالله سعادتي خبرداری ورکوي که دې کار ته کمیسیون دوام ورکړي نو دوی به یې پر وړاندې له هرې ممکنې لارې کار واخلي .
ټاکنو کمیسیون بیا وايي چې خپلې چارې د قانون سره سمې او بې پلوه توګه پرمخ بیايي او هرټیم که په دې تړاو اسناد لري وړاندې دې یې کړي.
د ثبات او همپالنې ټیم خبرداری ورکړ که لومړنیو پایلو کې بل نوماند بریالی اعلان شي دوی ته د منلو نه دی .
دغه ټاکنیزه ډله اندیښنه ښيی چې همدا اوس په کمیسیون کې په سلګونه زره تورې رایې موجودې دي چې کمیسیون کې ځينې کړۍ غواړي په یو لازم فرصت کې ترې ګټه واخلي.
خو دولت جوړوونکي ټیم بیا له ټولو ټیمونو غوښتي چې د کمېسیون خپلواکۍ ته دې درناوی وکړي او هغه پریکړې چې کمېسیون یې کوي، باید ټول اړخونه یې ومني.
