کندهار کې پولیسو یو بریدګر او د هغه یو لارښود موخې ته رسېدو وړاندې ونیول.
کندهار ښار کې یو ځانمرګی بریدګر او د هغه لار ښود ونيول شول.
د کندهار د امنیه قوماندانۍ ویاند جمال ناصر بارکزی وايي، دغه ځانمرګی بریدګر چې د چاودېدونکو توکو ډک واسکټ یې هم اغوستی و نن سهار د کندهار ښار اړوند سرپوزې محبس مخې ته نیول شوی دی.
د بارکزي په خبره، له یاد ځانمرګي بریدګر سره یو د هغه لارښود او یو موټر هم نيول شوی دی.
د دغو کسانو د نيول کېدو په اړه تر اوسه کومې ډلې غبرګون نه دی ښودلی.
