د ولسي جرګې ځینو غړو افغانستان یو شمېر سیمو کې ناامنیو او جګړو باندې اندیښنه ښودلې.
د جرګې غړو د لویو لارو امنیت خوندیتوب باندې ټینګار وکړ او له امنیتي او دفاعي ځواکونو یې وغوښتل چې د لوړ ګواښ لرونکو سیمو کې دې عملیات وکړي.
د جرګې رییس امنیتي او دفاعي کمېسیون ته دنده سپارلي چې امنیي او دفاعي ارګانونو سره کار وکړي چې څنګه کیدلی شي وضعیت ښه شي.
د ولسي جرګې په ازاد بحث کې وکیلانو د یو شمیر ولایتونو امنیتي وضعیت د اندیښنې وړ یاد کړ٬ او پر حکومت یې غږ وکړ چې د امنیتي حالت د کابو کولو لپاره دې جدي اقدمات وکړي.
وکیلانو د ځینو ولایتونو تر څنګ د لویو لارو امنیتي وضعیت باندې اندیښنه وښوده چې خلکو ته پرې تګ راتګ سخت شوی دی.
د جرګې رییس امنیتي او دفاعي کمېسیون ته لارښوونه وکړه چې له ارګانونو سره کار وکړي چې د خلکو اندیښنو ته ځواب ووايي.
ملي شورا په داسې حال کې امنیتي وضعیت باندې اندیښنه ښيي چې له تېرو څو میاشتو راهیسې بیلابیلو ولایتونو کې جګړې زور اخیستي او ښکیلي غاړې یو بل ته د درنې مرګ ژوبلې اړولو ادعا کوي، له جګړې سره یو ځای شمال او جنوب کې ځینې لوی لارې ناامنه شوي او خلکو ته پرې تګ راتګ سخت شوی دی.
