تکل: ایران ۱۰۱ نور افغان بندیان اسلامي امارت ته وسپارل

د بهرنیو چارو وزارت مرستیال ویاند حاقظ ضیا‌ء احمد تکل پر خپله ټویټر پاڼه لیکلي،د بهرنیو چارو وزارت، د مشرتابه د حکمونو د تعقیب او نظارت د لوی ریاست او د زندانونو د عمومي مسوول د هلو ځلو په پایله کې له ایران سره د شوې هوکړې له مخې د بندیانو د انتقال په لړ کې  ۱۰۱ افغان بندیان د نیمروز د ابریشم بندر له لارې افغان ته حکومت ته وسپارل شول.

په همدې حال کې ایراني رسنیو هم د یاد هېواد د عدليې وزارت د بشر حقونو او نړیوالو چارو مرستیال عسکر جلالیان له قوله ویلي، چې پرون یې ۱۰۱ تنه افغان زندانیان افغان حکومت ته سپارلي دي.

ایراني رسنۍ وایي، دغه زندانیان پرون د نیمروز له لارې افغان لورې ته سپارل شوي او د بند پاتې موده به په افغانستان کې سرته رسوي.

ایران له دې وړاندې هم په یاد هېواد کې بندي یو شمېر افغان کډوال اسلامي امارت ته سپارلي ول.