د امریکا ولسمشر ډونالډ ټرمپ پنټاګون ته امر کړی، چې پر طالبانو بریدونه زیات کړي.
ملي دفاع وزارت وايي، په تخار ولايت کې يې طالبانو ته درانه تلفات اړولي او له هغوی يې زياتې سيمې نيولې دي.
دفاع وزارت خبر ورکوي، چې د تخار ولايت په خواجه غار ولسوالۍ کې به سر له نن يا سبا عمليات پيل کړي.
له دې سره د امريکا د دفاع سر پرست وزير ويلي، چې ولسمشر ټرمپ ورته امر کړی، چې پر طالبانو بريدونه زيات کړي.
د امريک د دفاع سر پرست وزير مارک سپېر داسې ویلي ))د طالبانو د ځپلو په موخه ځمکني او هوایي بریدونه زیات شوي او دا بریدونه به نور هم زيات او چټک شي. موږ د دې بریدونو زیاترو برخو کې ونډه لرو، خو د ځمکنیو بریدونو یوه زیاته برخه د افغان ځواکونو له لوري ترسره کیږي. افغان امنيتي ځواکونو سره له همکارۍ سر بېره هغوی ته مشورې هم ورکوو.))
دفاع وزارت وايي، طالبان افغان ځواکونو سره د مخامخ جګړې توان نه لري او له ملکي وګړو او کورونو د سپر په توګه استفاده کوي.
له دې سره پنټاګون ویلي چې د امریکا ولسمشر په افغانستان کې پوځي حضور باندې خوښ نه دی، خو دا چې له ترهګرۍ سره مبارزې ته اړتیا ده، ځواکونه به یې پاتې وي.
