د امریکا ولسمشر ډونالډ ټرمپ د پاکستان لومړي وزیر عمران خان سره د دې خبرې په ځواب کې چې له طالبانو سره دې د سولې خبرې له سره پیل شي څه نه دي ویلي خو د افغانستان جګړه یې د امریکا لپاره خندوونکې بللې ده.
د امریکا ولسمشر ټرمپ ویلي، وضعیت ته به ګورو، دا خندوونکې ده چې امریکا ۱۹ کاله افغانستان کې جګړه کوي.
له بل لوري د پاکستان لومړي وزیر په امریکا کې د طالبانو څخه د ملاتړ په ډول ویلي، فکر کوم دا هغه طالبان نه دي چې په دوه زره یو کال کې د امریکا له لوري وشړل شول، اوس وضعیت او واقعیتونو تغیر کړی او طالبانو هم درک کړې چې ټول افغانستان نه شي کنټرولولی.
خو افغان حکومت د طالبانو بریدونو ته په اشارې ویلي، ددغې ډلې په دریځ کې بدلون نه دی راغلی.
