کابل کې ځانمرګي برید اته ویشت تنه وژل او ۳۸ نور ټپيان دي.
د کابل ښار نهمې امنیتي حوزې اړوند سیمه کې د نن ورځې ځانمرګي برید کې اته ویشت کسان وژل شوي او ۳۸ نور ټپيان دي.
کورنیو چارو وزارت وايي، په وژل شویو کې شپږ نظامیان او دوه ویشت ملکي کسان دي، چې ښځې او ماشومان هم په کې شامل دي.
پېښه نن ماسپښین یوه بجه د کابل ښار نهمې حوزې اړند د عامې روغتیا څلور لارې ته څېرمه د دفاع وزارت په منسوبینو وشوه.
کورنیو چارو وزارت په یوه اعلامیه کې ویلي، چې وسله والو طالبانو په مخامخ جګړه کې ماتې خوړلې او اوس عامه ځایونه په نښه کوي چې د بریدونو ډیری قربانیان عام وګړي وي.
