وسلهوالو طالبانو پکتیکا کې شپږ تنه خبریالان له ځانه سره وړي.
د پکتیکا د بېلا بېلو رسنیو شپږ تنه خبریالان د جمعې په ورځ ماسپښین مهال طالبانو هغه مهال له موټره ښکته کړي او له ځان سره وړي چې پکتیا ولایت ته د یوه سیمینار لپاره پر لاره وو.
دغه خبریالان د پکتیا – پکتیکا پر لویه لار د زرمت ولسوالۍ په اړوند سیمو کې د زرمت بازار په یو کیلومترۍ کې د طالباانو لخوا له موټره ښکته کړاې شوي دي.
په دغو خبریالانو کې د کلید راډیو خبریال خیرالدین، د پښتون غږ راډیو خبریال عبدالروف ذهین، د پښتون غږ راډیو خبریال جمالدین الهام ، د یاران راډیو خبریال طارق شاه ذکي، د یاران راډیو خبریال عبدالوهاب ویران او د یاران راډیو بل خبریال اسدالله صمیم شامل دي.
په پکتیکا کې د ژورنالستانو ددفاع بنسټونو له طالبانو غوښتنه کړې چې دغه خبریالان ژر تر ژره آزاد کړي.
طالبانو په دې تړاو څه نه دي ویلي.
