د پکتیا د احمدابا امنیه قومندان او یو ساتونکی یې ووژل شول.
د پکتیا احمد ابا ولسوالۍ امنیه قوماندان د ماین په چاودنه کې ووژل شو. د پکتیا امنیه قوماندانۍ ویاند سردار ولي تبسم وایي چې تیره شپه لس بجې څارمن محمد سرور حسین خېل د احمد ابا ولسوالۍ سلام خېلو سیمه کې په ګزمه بوخت و چې په هاموي موټر یې چاودنه وشوه.
تبسم زیاتوي، چاودنه کې د سرور حسین خېل تر څنګ د هغه یو ساتونکی هم وژل شوی دی.
سرور حسین خیل له تیرو دریو کلونو راهیسې د احمد ابا ولسوالۍ امنیه قوماندان په توګه دنده تر سره کوله.
