قطر کې نهم پړاو خبرې پرته له کومې هوکړې پای ته رسېدلې دي.
طالبانو او امریکا نږدې لس میاشتې افغانستان کې د سولې او پخلاینې پرسر نهه پړاوه خبرې وکړې، دا خبرې چې د بندو دروازو ترشاه روانې وې او د شنبې پر ورځ ناوخته له کومې هوکړې پرته پای ته رسېدلي دي.
د خبرو له پای وروسته د امریکا ځانګړي استازي په خپل ټویټر لیکلي چې دوی د بین الافغاني مذاکراتو په لټه کې هم دي.
د افغان سولې لپاره د امریکا استازي زلمي خلیل زاد داسې ویلي ((موږ د یوه داسې توافق په درشل کې یو چې زور زیاتی به کم کړي او افغانانو ته به ور پرانېزي چې سره کېني او د یوې باعزته او پایدارې سولې او د یوه متحد او بااقتداره افغانستان په اړه چې امریکا، متحدینو او بل هېواد ته ګواښ نه وي، مذاکرات وکړي))
د افغان سولې لپآره د امریکا استازی به د ولسمشر او اجرایه رییس سره د خبرو وروستی پړاو شریک کړي او باور کېږي چې یو دوو ورځو کې به د دواړو خواوو ترمنځ د سولې هوکړه وشي.
طلبانو هم د سولې د خبرو وروستی پړاو بریالی بللی دی.
قطر کې د طالبانو ویاند سهیل شاهین داسې ویلي (( د مذاکراتو اوسنۍ دور مو د شپې ناوخته په کامیابۍ سره پای ته ورساوه، البته پدې توافق وشو چې نن دورځې دوه بجې د امریکایي ټيم سره ځینې تخنیکي خبرې هم مکمل کړو.خپل مجاهد او مسلمان ولس ته ډاډ ورکوم چې د اشغال د خاتمې او د افغانستان د مسلې د سوله ایز حل په درشل کې یو. ((
په نهو پړاونو کې له افغانستان څخه د بهرنیو ځواکونو وتل، امریکا ته له افغانستان نه ګواښ او د راتلونکي حکومت څرنګوالی ، خپلمنځۍ خبرو باندې جدي بحثونه وشول چې پایله به یې هوکړه کې مالومه شي.
