کندز ښار کې اوس هم جګړه روانه ده.
د کندز مسوولین وايي، د طالبانو هغه پلان یې ناکام کړی چې غوښتل یې کندز ښار به سقوط کړي.
د کندز امنیه قومندان کندزیانو ته ډاډ ورکړی، چې تازه له کابل څخه د ۳۰۳ قطعې خاص ځواکونه ور رسېدلي او ډېر ژر به کندز ښار له طالبانو خالي کړي.
اوس هم د کندز ښار په مهمو سیمو کې او دولتي ودانیو باندې جګړه روانه ده.
طالبانو د کندز سېدرک، خاکنۍ او برنج بازار سیمې نیولي او اوس د مخدره توکو پر وړاندې د مبارزې ریاست باندې جګړه روانه ده.
مسوولینو شمشاد ته وویل، چې طالبان له فرعي لارو ښار ته دننه شوي، او تر اوسه کومې دولتي نقطې سقوط نه دی کړی.
په دغه جګړه کې د ښکېلو خواوو سربېره ګڼ شمېر ملیکانو ته هم مرګ ژوبله اوښتې ده خو دقیق ارقام یې په لاس نه شته.
په جګړه کې روغتون ته د ټپيانو د انتقال لارې بندې دي طالبانو روغتونونو ته لارې بندې کړي او یوازې ملکیانو ته اجازه ورکوي، چې روغتون ته انقال شي.
د روغتون رییس محمد نعیم منګل وايي، له سهار راهیسې تر اوسه دوی ته ۶۵ ټپيان ور وړل شوي، چې ښځې او ماشومان هم په کې شامل دي.
کندز کې مخابراتي شبکې هم کار نه کوي او دغه ښار ته ټولې تللې لارې د ترافیکو پرمخ بندې دي.
د کندز مسوولین وايي، د امنیتي او دفاعي ځواکونو ترمنځ پوره همغږي شته او په ټول توان هڅه کوي، چې د طالبانو پلان ناکام کړي.
