د انټر پول پولیس د مجرمینو په نیولو کې له افغان حکومت سره همکاري ډېروي.
د انټرپول پولیسو سکرتر جنرال یورگن ستاک له ولسمشر غني سره د لیدنې پر مهال ویلي چې جرمي کړۍ او د نشه يي توکو قاچاق وړونکي نه یوازې افغانستان بلکې ټولې نړۍ ته خطر دي.
دده په وینا دوی د یوه ځانګړي میکانیزم له مخې او د افغان حکومت له پلانونو سره سم غواړي د جرمي شبکو د پېژندلو، ددوی د مالي سرچینو د وچولو، ددوی د نیولو، د نشه يي توکو د قاچاق وړونکو د شبکو د پيدا کولو او ورته نورو مواردو په برخه کې له افغان حکومت سره همکاري ډېره کړي.
ولسمشر غني هم په دغه لیدنه کې د یاد نړیوال سازمان له مشرتابه مننه کړې ده او هیله یې څرګنده کړې چې انټرپول په ټوله نړۍ کې له جرمونو او تهدیدونو ځانګړی او واضح تعریف ولري څو په دې ټوګه وکړای شي جرمي شبکې په رښتینې توګه د نړۍ له مخې ورکې کړي
