ټاکنو کمیسیون ولایتونو ته د ټاکنیزو موادو د لیږد بهیر وځنډوه.
د ټاکنو کمېسیون د مهالویش له مخې په پام کې وه چې د چهارشنبې په ورځ ولایتونو ته د حساسو او غیر حساسو موادو د لیږد لړۍ پيل شي، خو دا پروسه سر له اوس له ستونز ډکه ښکاري.
ټاکنو کمېسیون وايي، دا پریکړه یې له دې امله کړې چې په بایو مټریک دستګاه کې دوه ستونزې را پورته شوې او تر څو چې دا مسله حل او تایید نشي دوی د موادو په لیږد کې پرېکړه نشي کولی.
کمېسیون په زغرده وايي، تر څو چې ملي او نړیوال ادرسونه دا آله تایید نه کړي دوی یې مسولیت د استعمال او د ټاکنو په ورځ د را پورته شویو ستونزو مسولیت نشي منلی.
د راتلونکو ټاکنو لپاره کمه رنګه کمپایونو، د خلکو کم علاقي تر څنګ یې تر اوسه د بهرنیو ناظرینو برخلیک هم نه دی مالوم چې له دې پروسه څارنې ته د راتګ زړه کوي کنه؟
بله خوا د ټاکنو کمېسیون د رسنیو کمېټه هم په خلکو او رسنیو غږ کوي چې د ټاکنو د ترسره کېدو لپاره تخریبونکې هڅې شنډې او ولس ته د ولسواکۍ سوچه پیغام ورسوي.
د ټاکنو ترسره کېدو ته پوره یوه میاشت پاتې ده خو د سولې روانو خبرو او روان وضعیت ته په کتو د ټاکنو په ترسره کېدو بې باوري او کمه رنګي سر له اوسه د محسوس وړ ده، خو حکومت او کمېسیون د ټاکنو ترسره کېدل حتمي ګڼي.
