د ملي امنیت شورا د کویټې ښار په یو جومات کې برید په کلکو ټکو وغنده.
د هېواد امنیت شورا د کوېټې په یو جومات کې چاودنه په کلکه غندلې ده.
له امنیت شورا څخه په خپره شوې خبر پاڼه کې راغلي چې امنیت شورا دا ډول بریدونه د اسلامي او انساني اصولو خلاف بولي.
په اعلامیه کې وړاندې راغلي چې افغانستان له اوږدې مودې راهیسې د ورته بریدونو قرباني دی او باید پر وړاندې یي په ګډه جدي مبارزه وشي.
په اعلامیه کې وړاندې راغلي چې جوماتونه او نور عبادت ځایونه سپیڅلي دي او باید له ورته بریدونو خوندي وي.
تېره ورځ د کوېټې ښار د کچلاغ سیمې په یو جومات کې د جمعې لمانځه پرمهال چاودنه وشوه چې یو شمېر کسانو ته په کې مرګ ژوبله واوښته.
په وژل شویو کې د طالبانو د مشر ملا هبت الله ورور، عبدالله مشور په حافظ احمدالله، چې د همدې جومات امامت یې کاوه هم شامل و.
