ملي دفاع وزارت وايي، که بهرني ځواکونه له افغانستانه ووځي تشه يې ډکولی او له هېواد نه دفاع کولی شي.
کابل کې د غوڅ ملاتړ ماموريت قومندانۍ وايي، افغانان بايد په خپلو ځواکونو ووياړي او د هغوی له هڅو او قربانيو پرته افغانستان کې سياسي حل لار نا ممکنه يادوي.
د غوڅ ملاتړ ماموريت قومندان جنرال سکاټ مېلر وايي، طالبانو پر وړاندې يې عملياتو کې کوم بدلون نه دی راغلی او افغان امنيتي ځواکونو سره ښه همغږي لري.
د ملي دفاع وزير اسدالله خالد، چې کابل کې يې د غوڅ ملاتړ ماموريت له قومندان جنرال سکاټ مېلر سره د خبريالانو پوښتنې ځوابولې وويل، که ناټو له افغانستان څخه ووځي د دوی عمليات به د تل په څېر دوام ولري.
خالد وايي، ځواکونه يې تيار دي، چې په يوازې ځان له افغانستان څخه دفاع وکړي.
خبريالانو سره په خبرو کې کابل کې د غوڅ ملاتړ ماموريت قومندان جنرال سکاټ مېلر وویل، د طالبانو پر وړاندې يې عملياتو کې کوم بدلون نه دی راغلی.
مېلر وايي، له افغان امنيتي ادارو سره بشپړه همکاري او په دې باور دی، چې د افغان ځواکونو له هڅو او قربانيو پرته سياسي حل لاره ممکنه نه ده.
کابل کې د غوڅ ملاتړ ماموريت قومندان جنرال سکاټ مېلر داسې وویل (( افغانانو ته زما پيغام دا دی، چې تاسو بايد د خپلو سرتېرو په قربانيو ووياړئ هغوی د اختر په ورځو کې په دندو اخته وو او له تاسو يې ساتنه کوله، تاسو بايد د هغوی په کړنو ووياړي او زه دا وايم، چې د هغوی له هڅو او قربانيو افغانستان کې آن سياسي پروسه ناممکنه ده.))
يو شمېر امريکايي سرچينو د نيوزويک هغه راپور ، چې ګني پر طالبانو يې بريدونه بند کړي رد کړ او ويلي یې دي، چې په نظامي برخه کې دوی خپلو عملياتو ته دوام ورکوي.
