ارګ وايي، ځینې نوماندان د ټاکنو په وړاندې ستونزې جوړوي.
وروسته له هغې چې د ځینو ټاکنیزو ټیمونو د پاشل کېدو او له ټاکنو سره د بایکاټ خبره یقني شوه، ورسره جوخت د ټاکنو په ترسره کېدو باور هم خام ښکاري.
سوله او ټاکنې هماله د دو ملي پروسو په توګه را مخکې دي چې ځینې سوله او ځینې بیا ټاکنو ته لومړیتوب ورکوي، خو افغان حکومت د میزان په شپږمه د ټاکنو ترسره کول بیاحتمي ګڼي.
بلخوا بیا تحلیل دا دی چې د ټاکنیزو ټیمونو تر منځ بې ثباتي په لوی لاس د امریکا غوښتنه ده.
له دې ورهاخوا بیا حنیف اتمر له ولسمشر غني، عطا محمد نور او محقق له عبدالله سره کتلي دي.
نړیواله ټولنه هم په اوس کې د دې پروسو په وړاندې د لومړیتوب په اړه غوڅه خبره نشي کولی، مګر د اوسني جنجالي وضعیت تنظیمونکي امریکایانو بلل کیږي.
له ټاکنو په شاه شوي نوماندان په ځانکړې توګه د سولې او اعتدال پاشل شوی ټیم له ټاکنو مخکې سولې ته لومړيتوب ورکړی.
د ارګ ویاند صدیق صدیقي وايي، ځینې نوماندان او ټاکنیز ټیمونه هڅه کوي چې د ټاکنو ترسره کېدو په وړاندې ستونزې وزیږوي.
هاخواځینې نا تایید شوي راپورنه وايي، چې ولسمشر غني له حنیف اتمر سره لیدلي او په خپل ټیم یې د ور ماتېدو لپاره په خپلو کې دوه اړخیزې غوښتنې او وړاندیزونه کړي چې تر اوسه روښانه او وروستي شوي نه دي.
