افغانستان کې د غوڅ ملاتړ ماموریت قوماندان سکاټ مېلر هغه راپورونه ناسم وبلل چې ګواکې بهرنیو ځواکونو د طالبانو خلاف عملیات کم کړي دي.
سکاټ مېلر ویلي، تر اوسه ورته د عملیاتو د کچې راکمولو امر نه دی شوی او نه یې په عملیاتو کې کوم توپیر لیدل کېږي.
افغان حکومت هم د بهرنیو ځواکونو له لوري د عملیاتو کمولو راپورونه رد کړي وو.
وړاندې د نیوز ویک په نامه یوې ورځپاڼې راپور خپور کړی و چې ګواکې بهرنیو ځواکونو ته د افغان ځواکونو د روزنې د لړۍ درولو او عملیاتو محدودولو امر شوی دی.
