په ټاکنو د څار ټیفا بنسټ د درې میاشتو په موده کې سروې کړې،چې ۵۷ سلنه خلک ټاکنون کې ګډون نه کوي.
افغانان له دوه مهمو برخلیک ټاکونکو پروسو ټاکنو او سولې سره مخ دي چې کوم یو ته لومړیتوب ورکړي.
د ټیفا اندېښنې دا دي چې د طالبانو ګواښونه، د نړیوالو دوه مخی چلند او په تخنیکي برخو کې د ټاکنو کمېسیون پاتې راتګ به ټاکنې له جدي ننګونو سره مخ کړي.
ټیفا وایي، د طالبانو د وروستیو ګواښونو له امله دوی هم خپل کارونه راکم کړي او په اندېښنه کې دي.
په تېرو درې میاشتو کې ټیفا یوه سروې کړې چې موندنې یې د هېواد په کچه ښيي چې نږدې اته پنځوس سلنه خلک په ټاکنو کې ونډه نه اخلي او نه هم چاته رایه ورکوي.
ټیفا د خپلې سروې پایلو ته اندېښمنه ده چې په تیرو درې میاشتو کې د هېواد په کچه کړې او موندنې یې ښيي چې ۵۷،۱۳ سلنه خلک په ټاکنو کې ونډه نه اخلي او نه هم چاته رایه ورکوي.
د ټیفا مالومات ښیي چې نا امني او د ګواښونو زیاتېدل، په ټاکنیزو کمېسیونونو کې د حکومتي مشرانو مداخله، د ټاکنو کمېسیون مخکنیو چارواکو فساد ، سمبولیکې ټاکنې او د بهرنیانو واک، د ملي یووالي له حکومته د خلکو نا خوښي او داسې نور هغه لاملونه دي چې خلک په ټاکنو بې باوره دي او ونډه په کې نه اخلي.
ټیفا وایي، د ټاکنو لپاره د امنیتي تګلارې نقشه نشته او هېڅ تضمین نشته چې د ټاکنو په مهال به امنیت خوندي وي.
تازه ملګرو ملتونو هم د طالبانو د هغه ګواښ په اړ ه اندېښنه ښودلې چې د ټاکنو پرپروسه یې دبریدونو خبرداری ورکړی.
