کندهار کې پولیسو خپل یولس ملګري وژلي دي.
امیني سرچینه وايي، د کندهار شاه ولیکوټ ولسوالۍ تور کوتل سیمه کې کې نن سهار اتو پولیسو خپل ۱۱ پولیس ملګري وژلي دي.
سرچینې شمشاد ته و یلي، چې دغه پولس په دوو پوستو کې د خپلو ملګرو له لوري په ډزو وژل شوي خو یو پولیس سرتېری ترې په ټپي حالت کې په تېښته بریالی شوی دی.
سرچینه بریدګر پولیس له وسله والو سره په تړاو لرلو تورنوي، خو خپله وسله والو او د کندهار مسوولینو تر اوسه په دې اړه څه نه دي ویلي.
له دې وړاندې هم د هېواد په ګڼو سیمو کې ورته پېښې رامنځته شوي چې پولیس د خپلو ملګرو له لورې په نښه شوي دي چې د ډېرو پېښو مسوولیت د دولت مخالفینو وسله والو اخیستی دی.
