درې سوه پوښتل شویو خبریالانو کې نیمایي ډاډ ښودلی چې ولسمشریزې ټاکنې به په خپل وخت وشي.
نی یا د ازادو رسنیو د ملاتړ ادارې یو شمېر ولایتونو کې خبریالان پوښتلي او د ټاکنو په تړاو یې ترې نظر اخیستی دی.
نی یا د ازادو رسنیو څخه د ملاتړ ادارې دری سوه خبریالان پوښتلې چې د خبریالانو له اند نه خلک د ولسمشرۍ ټاکنو په هکله څه فکر او کومې غوښتني لري.
د دي څیړنې په اساس په لوړه سلنه خلک په خپل وخت ټاکنو ترسره کیدو باندي باور لري.
له ازادو رسنیو څخه د ملاتړ ادارې مشر مجیب خلوتګر داسې وايي (( دري څلوېښت سلنه خبریالانو ویلي، چې ټاکنې پر خپل وخت ترسره کېږي، ۳۳ سلنه خبریالانو ویلي، چې خلکو ورته ویلي چې ټاکنې ځنډېږي او ۱۴ سلنه خبریالانو ته بیا خلکو ویلي چې ټاکنې نه کېږي.))
په درې سوه پوښتل شوو خبریالانو کې چې د افغانستان د خبریالانو څلورمه برخه تشکیلوي نوي سلنه اطلاعاتو ته د نه لاسرسي ستونزې سره مخ دي.
د ټاکنو کمیسیون هم یاده ستونزه منې او ژمنه کوي چې د حل لپاره به یې هر اړخیز کوښښ وکړي.
د ټاکنو کمیسیون ویاند ذبیح الله سادات داسې وویل (( بدبختانه باید ووایم چې د دولت په ډېرو ادارو کې بیروکراسي ددې سبب شوې چې خبریالان په وخت مالوماتو ته لاسرسی نه لري، خو موږ له خپل اړخه ژمنه کوو چې په وخت به خبریالانو ته مالومات ورکوو.))
پوښتل شویو کسانو کې ۴۳ سلنه یې په خپل وخت ټاکنو باندې باور لري، ۳۳ سلنه نور په دې نظر دي چې ټاکنې ځنډیږي، ۱۴ سلنه انګیري چې ټاکنې بیخي نه کیږي.
