د افغانستان د سولې په بهیر کې باید ګاونډیان شریک کړل شي.
د ایران د بهرنیو چارو وزارت وايي، د افغانستان د سولې بهیر کې باید ګاونډیان هم شریک کړل شي.
د ایران بهرنیو چارو وزارت سیاسي مرستیال عباس عراقچي ویلي، ددې لپاره چې په افغانستان کې دایمي سوله راشي او د سیمې ټول هېوادونه یې همکار وي نو په کار ده چې په دغه پروسه کې ګاونډي هېوادونه شریک کړل شي.
د عراقچي په وینا د سولې روان بهیر د څو هېوادونو له لوري یرغمل شوی دی او له ګاونډیو هېوادونو سره هېڅ راز مشوره نه کېږي.
دغه لوړپوړي ایراني چارواکي ویلي ایران د افغانستان د یوه ګاونډي په توګه د سولې د روانې پروسې په اړه اندېښنې او پوښتنې لري چې باید ځواب ورکړل شي.
