د افغان سولې لپاره د امریکا ځانګړی استازی وايي، دوحه کې به؛ هغه هوکړه وروستۍ کړو چې کار مو ورباندې کړی.
د افغان سولې لپاره د امریکا ځانګړی استازی زلمی خلیلزاد وایي، په کابل کې د نوموړي دا ځلې لیدنې تر ټولو هغو رغنده وې چې ده د خپل ماموریت پر مهال تر سره کړې دي.
خلیل زاد دوحې ته له تګ وړاندې لیکلي، که چېرته طالبانو خپله دنده تر سره کړې وه نو په دوحه کې به هغه هوکړه هم وروستۍ کړې چې تر اوسه یې ورباندې کار کړی دی.
نوموړي دغه راز ویلي، افغانستان او امریکا د سولې برخه کې پر راتلونکو ګامونو هوکړه کړې ده او له طالبانو سره د سولې یو مذاکراتي ټیم هم بشپړ شوی دی.
نوموړی په داسې حال کې د کابل دا سفر رغنده بولي چې طالبانو هم په دې وروستیو کې د سیاسیونو په ډله کې د افغان حکومت له حضور سره موافقه کړې ده.
خلیلزاد، چې طالبانو سره هوکړه له احتمال پورته بولي، وایي دوی به یې ملاتړ وکړي.
دغه راز خلیلزاد ویلي، که هوکړه وشي، چې امریکا له افغانستانه ووځي او شرایط برابر وي، نو امریکایي سرتیري به دلته پاتې نشي.
له دې سره د سولې لپاره حکومتي پلاوی بشپړ شو.
د سولې لپاره د حکومت وزارت ویلي، پنځلس کسیز پلاوی وروستی شوی چې د افغانستان اسلامي جمهوریت استازیتوب به کوي.
وزارت وايي، دغه پلاوي کې سیاسي او قومي مشران او همدا راز د ټولنې استازي ګډون لري.
حکومت ویلي، د داسې سولې غوښتونکي دي چې باعزته، دوامداره، او د افغانانو د لاسته راوړنو ساتنه وکړي.
