که ټاکنو ته ورځې کمېږي ورسره په ټاکنو د څار بنسټونو ته اندېښنې هم زیاتیږي.
کم رنګه کمپاینونه، د ټاکنو لپاره پڅ چمتوالی او مدیریتي ستونزې هغه عوامل دي چې د راتلونکو ټاکنو په تر سره کېدو ور سره بې باوري زیاته شوې.
باور دادی چې ټاکنیز کمېسیونونه نه دي توانیدلي له مهال ویش سره سم خپل کارونه چمتو کړي چې دا به ټاکنې له ګڼو ستونزو سره مخ کړي.
خو د ټاکنو کمېسیون بیا وايي، چې د دوی کارونه سم دي.
ټیفا د کمیسون کارونو ته په کتو ددې اندېښنه ښيي چې راتلونکې ټاکنې به له ستونزو خالي نه وي.
د ټیفا بنسټ مشر نعیم ایوب زاده داسې وايي (( که کمیسیون بې طرفه او مسوولانه عمل وکړي او مسلکي چلند وکړي ټاکنې به ښيې وي خو که د مدیریت همداسې روان وي موږ یې سر له اوسه ټاکنې ستونزمنې وینو.))
فیفا هم د ټاکنو په روانه پروسه او په ټاکنیزو کمپاینونو جدي نیوکه لري، وايي په دې برخه کې کارونه ښه نه دي.
د فیفا بنسټ مشر یوسف رشید داسې وویل (( له بده مرغه کمپاینونه ډېر پڅ روان دي، تاسې ګورئ چې په کابل کې یوازې دوه غونډې نیول شوې دي، او پاتې ټیمونه ارامه او غلي ښکاري چې د دوی سکوت په ټولنه کې یو عالم پوښتنې پيدا کړې دي.))
ټاکنو کمېسیون بیا له تخنیکي اړخه د خپلو کارونو ډاډ ورکوي خو د امنیت له اړخه په امنیتي سکټور یو څه بې باوره دي.
نوماندان اوس حق لري چې شپږ پنځوس ورځې نور کمپاینونه وکړي او له ټاکنو مخکې ۴۸ ساعته د سکوت دوره ده چې له هغې وروسته به د ټول هېواد په کچه ټاکنې ترسره شي.
