د فراه ولایت په بالابلوک ولسوالۍ کې ماین چاودنې ۲۸ تنه ووژل او لس نور یې ټپیان کړل.
پېښه د هرات – کندهار لویي د فراه د بالابلوک ولسوالۍ اړوند د آبخرماپه سیمه کې شوې ده.
د فراه د امنیه قومندانی ویاند محب الله محب وایي، پیښه کې ٢٨ تنه وژل شوي او لس نورټپیان دي. ښاغلی محب وایي، د پېښې ټپیان د هرات او فراه رود روغتونونو ته انتقال شوي دي.
د ولسمشر ویاند صدیق صدیقي بیا پر ټوېټر لیکلي، چاودنه کې ۳۴ ملکیان وژل شوي او ۱۷ نور ټپیان دي.
تراوسه د چاودنې مسؤلیت کومې وسله والې ډلې نه دی منلی.
