افغانستان کې د ملګرو ملتونو دفتر یا یوناما په خپل تازه راپور کې ویلي، د ۲۰۱۹ م کال په لومړيو شپږو مياشتو کې ۱۳۶۶ ملکيان وژل شوي او ۲۴۴۶ ملکيان ټپيان شوي دي.
یوناما وايي چې دا شمېره د تېر ۲۰۱۸ کال د ورته مودې پر تله ۲۷ سلنه کمووالۍ ښيي.
د افغانستان لپاره د ملګرو ملتونو ځانګړي استازي تاداميچي یاماموتو ویلي: “د افغانانو په خپل منځي خبرو کې د ملکي مرګژوبلې د کمولو پیغام ډېر واضح و، موږ له ټولو ښکېلو خواوو غواړو چې دغې مهمې چارې ته پام وکړي او د افغانانو د دغې غوښتنې د منلو لپاره بيړني ګامونه اوچت کړي چې نور ددغه زیان اړولو درول غواړي”.
د یوناما راپور له مخې، طالبانو او داعش جنګیالیو ۵۳۱ وګړي وژلي او ۱۴۳۷ نور یې ټپیان کړي دي.
یوناما له یوې خوا د جنورۍ له لومړۍ د جون تر وروستۍ نېټې پورې د ملکيانو په مرګژوبله کې د لږوالي هر کلی کړی خو ملکیانو ته د رسېدلي زیان شمېرې يې ټکان ورکوونکې او د نه منلو وړ بللې.
ملګرو ملتونو د ۲۰۱۹ کال د جولای په اوومه او اتمه په قطر کې د افغانانو په خپلمنځي غونډه کې د ملکي مرګژوبلې د صفر کولو لپاره د ښکېلولو لورو ژمنه ستایلې.
د راپور له مخې کابل، هلمند فاریاب او غزني هغه ولایتونو دي چې په ترتیب سره تر ټولو لوړه ملکي مرګژوبله پکې ثبت شوې .
