غزني کې د سیمه ییزو پولیسو پر مرکز موټر بم برید شوی دی.
د غزني والي ویاند عارف نوري وایي چې تېره شپه د آب بند ولسوالۍ د سیمه ییزو پولیسو پر مرکز موټر بم برید شوی دی.
نوري وایي په دغه برید کې ۴ سیمه ییز پولیس وژل شوي او ۱۰ ټپيان دي.
یوې سرچینې بیا شمشاد ته وویل چې په دغه برید کې د سیمه ییزو پولیسو قوماندان نعمت الله هم وژل شوی دی.
د شنبې سهار وختي هم آب بند ولسوالۍ کې موټر بم برید وشو چې درې پولیس یې ووژل او ۱۲ نور یې ټپیان کړل.
طالبانو د دواړو بریدونو مسؤلیت منلی دی.
