دافغان سولې لپاره دامریکا بهرنیو چارو وزارت ځانګړي استازي زلمي خلیلزاد بیا سفر پیل کړ.
د امریکا بهرنیو چارو له وزارت څخه په خپره شوې خبرپاڼه کې راغلي چې خلیلزاد دغه سفر تېر ورځ پيل او د اګست میاشتې تر لومړۍ به دوام وکړي.
خلیلزاد به لومړی افغانستان ته راشي او دلته به له افغان چارواکو سره پر سولې خبرې وکړي.
له دې وروسته به ښاغلی خلیلزاد قطر ته سفر کوي.
خلیلزاد تازه څه نه دي ویلي خو دوه ورځې وړاندې یي ویلي و چې د لا پرمختګونو لپاره نوی ماموریت پیلوي.
د امریکا او طالبانو ترمنځ د اوم پړاو خبرې دواړو لورو ګټورې بللې وې او د سلا مشورې لپاره خلیلزاد امریکا ته لاړ او طالبانو هم خپل منځي مشورې پیل کړې.
