د ملي امنیت شورا سلاکار حمدالله محب وايي، افغانستان په تېرو شاوخوا ۱۷ کلونو کې له نړیوالې ټولنې سره په ګډه د یوې پراخې پانګونې په پایله کې د پرمختګ اوږد مزل وهلی او باید دا بهیر نتیجه ورکړي.
محب دا خبرې د جرمني د پارلمان له غړي تورستېن فري او په کابل کې د دې هیواد له سفیر پیتر پراګل سره په کتنه کې کړي دي.
د جرمني د پارلمان غړي هم ویلي چې، هر ډول سیاسي بهیرونه باید یادې لاسته راوړنې وساتي.
د جرمني د پارلمان غړي ډاډ ورکړی، چې هیواد به یې له افغانستان سره همکارۍ ته دوام ورکړي او د سولې په ګډون بېلا بېلو پروسو کې به یې تر څنګ ودرېږي.
