اجراییه رییس عبدالله عبدالله وايي، د دوه زره څوارلسم کال د ولسمشریزو ټاکنو تکرار به ناورین وي.
د حکومت اجرایه رییس چې نن دوشنبه یې په ټاکنو کې د ښځو د ګډون لپاره د عامه پوهاوي ناسته کې وینا کوله وویل، که یو ځل بیا د تیرو ولسمشریزو ټاکنو تکرار وشي نو د منلو به نه وي.
ښاغلي عبدالله عبدالله راتلونکو ولسمشریزو ټاکنو ته په اشارې وویل، د افغانستان سلامتیا په رڼو او سالمو ټاکنو کې ده او نه باید چې د خلکو په رایو معامله وشي.
ټاکنو خپلواک کمېسیون د ولسمشریزو ټاکنو لپاره د پنځه زره درې سوه اته اتیا مرکزونو د مشخص کولو ویلي، خو اندېښنې بیا دادي چې ښايي د ټاکنو په ورځ د ناامنیو له امله ډیری مرکزونه تړلي پاتې شي.
ټاکل شوې چې د اسد یا زمري میاشتې په پنځمه ټاکنیز کمپاینونه پيل شي.
