د بادغیس مرکز قلعه نو ښارکې درې ځانمرګي یو هوټل ته ننوتي او د امنیتي ځواکونو سره په جګړه بوخت دي .
د کورنیو چارو وزارت ویاند نصرت رحیمي وايي، امنیتي ځواکونو دوه تنه بریدګر وژلي او یو بل بریدګر اوس هم مقاومت کوي.
د بادغیس والي داکتر عبدالغفور ملګزی وايې دغه ځانمرګو د قلعه ښارپستي چوک سره اسلام هوټل کې سنګر نیولی او له هغه ځایه پرامنیه قومندانۍ او ولایت مقام باندې ډزې کوي .
هغه وايې تراوسه د دوی سره په نښته کې پنځه پولیس ټپیان شوي .
والي وايې جګړه اوس هم په شدت سره روانه ده او دوی هڅه کوي چې د چورلکو له لارې دغه ځانمرګي لمنځه یوسي .
له تېرې ورځې راهیسې مرکز قلعه نو کې د والي پرضد یوشمېر کسانو اعتراض کړی .
دوی چې د ولایت مخته يې خیمې وهلي د بادغیس والي د لرې کېدو غوښتنه کوي .
د بادغیس والي وايې د دغه برید په اړه تردې وړاندې هم دوی ته راپور ورغلی و او دوی ورته چمتووالی نیولی و.
