روسیې د افغان سولې لپاره د امریکا هڅې بې پایلې یادې کړې.
د روسیې د سنا یو غړي چې کابل کې خبریالانو سره خبرې کولې په قطر کې د امریکا او طالبانو ترمنځ خبرې بې پایلې وبللې.
کندراتیف نیوکه کړې چې په تیرو اتلس کلونو کې په افغانستان کې د بهرنیو ځواکونو پوځي حضور جګړه لا پسې زیاته کړې او سولې ته نه دي رسیدلي.
روسیه د بهرنیو ځواکونو د پوځي حضور په پای باندې هم اندیښنه لري چې یو ځل بیا به جګړې زیاتې شي.
د روسیې د سنا غړی ویلادې میر کندراتیف، چې افغانستان ته د شوریانو ننوتل هم اشتباه بولي وایي، د بهرنیو ځواکونو په حضور افغانستان کې سوله نه ده راوستلې او جګړه زیاته شوې.
کندراتیف هغه څرګندونې اوازې بللي چې ګنې روسیه د طالبانو ملاتړ کوي.
د روسیې د سنا غړی ویلادې میر کندراتیف داسې وایي (( اوازې دي چې روسیه له طالبانو ملاتړ کوي، دا اوازې دروغ دي روسیې له طالبانو سره هیڅ مرسته نه ده کړې، په مسکو کې چې د سولې په اړه د طالبانو او افغان سیاسیونو دوه غونډې شوي موخه یې د بین الافغاني خبرو لپاره زمینه مساعدول وو.))
کندراتیف په تیرو اتلسو کلونو کې د بهرنیو ځواکونو پوځي حضور د افغانستان په زیان یاد کړی چې جګړه یې زیاته کړې او سولې ته نه دي رسیدلي.
روسیه د بهرنیو ځواکونو پوځي حضور له پای ته رسیدو هم اندیښنه لري چې ګنې ترهګرې ډلې به فعالیت زیات کړي.
روسیه اوس تر بل هر هېواد د افغان سولې خبرو کې ښکاره لیوالتیا ښيي او د دې لپاره یې دوه ځل افغان سیاسیون او طالبانو په یو میز کینولي.
خو د روسیې دواړه ځل غونډې د افغان حکومت له اعتراض او نیوکو سره مخ وې.
