د ملي امنیت شورا سلاکار د اوفا لسم امنیتي کنفرانس کې ویلي، ترهګرۍ سره مبارزه باید زموږ د کارونو په لومړیتوب کې وي.
د ملي امنیت شورا سلاکار حمدالله محب د اوفا لسم امنیتي کنفرانس کې ویلي، لاهم په افغانستان کې هره ورځ لږ تر لږه پنځوس تنه ترهګرۍ سره مبارزه کې ژوند دلاسه ورکوي.
د نړۍ پنځو وچو لوړ پوړي امنیتي استازي د باشقیرستان په اوفا ښار کې راټول شوي چې په دې نړیواله ناسته کې پر نړیوال او سیمه ییز امنیت او ور پيښو ګواښونو خبرې روانې دي.
د افغانستان د ملي امنیت شورا سلاکار حمدالله محب چې دې ناستې ته ورغلی ترهګرۍ سره د مبارزې لپاره یې په ګډې او واحدي مبارزې ټینګار کړی دی.
حمدالله محب داسې ویلي (( په افغانستان کې هره ورځ لږ تر لږه پنځوس تنه له ترهګرۍ سره مبارزه کې ژوند له لاسه ورکوي، ترهګر او د نشه یي توکو قاچاقبران د یوې سیکې دوه مخه دي، چې له یو بل سره هېڅ توپیر نه لري، تاریاک د ترهګرو د عوایدو اصلي سرچینه ده، چې هر کال ورته میلیارډونه ډالر پیدا کوي چې د سیمې هېوادونه او منطقه هم په کې شامله ده، زمونږ په سیمه کې هره ورځ زرګونه کسان په غیر قانوني توګه له پولو اوړي څو له ترورېستانو سره یو ځای، روزنه تر لاسه او زمونږ خلک هدف وګرځوي. ))
افغان امنیتي ځواکونه د ترهګرۍ ضد مبارزه کې د ټولې نړۍ په استازولۍ جګړه کوي چې سږنی کال یې مرګ ژوبله زیاته وه.
اوس چې په سیمه کې ګواښونه او خطرونه مشترک شوي دي ډېر باور نه کېږي چې هېوادونه دې د خپلو ګټو لپاره بیاهم په سیمه او افغانستان کې په یوې واحدې تګلارې تفاهم ته ورسیږي.
روسیه داسې مهال د امنیت شورا د سلاکارانو د ناستې کوربه ده چې د افغان حکومت وسلوال مخالفین دوه درې ځلې کرملین ته وربلل شوي وو، خو د تاوتریخوالي د پای لپاره کومه ښکاره لار په نښه نه شوه.
خو له روسې تمه دا کېږي، چې افغانستان کې د ټیکاو لپاره مثبت رول ولوبوي او افغان حکومت باید ورسره اړیکې ښې کړي.
په سیمه ییزه کچه د افغانستان په تړاو سیاستونه بدل شوي ښکاري او دا بدلون دوه کاله وړاندې لا ښه محسوس شو چې امریکا د جنوبي اسیا لپاره خپله تګلاره اعلان کړه.
