لوی څارنوالۍ یو پلاوي ټاکلی چې ارګ کې د فحشا د تورونو په تړاو له حبیب الله احمدزي سپیناوی وغواړي.
وروسته له هغې، چې د ولسمشر محمد اشرف غني پخواني سلا کار حبیب الله احمدزي ارګ کې دننه ځینې کسان په فحاشۍ تورن کړل تېره ورځ يې موضوع د سپيناوي په موخه لويې څارنوالۍ ته سپارل شوې.
لوی څارنوالۍ، د احمدزي د ادعاو د سپيناوي په موخه پلاوی ټاکلی او له احمدزي یې غوښتي، چې تر راتلونکې پنجشنبې خپل اسناد او شواهد له ياد پلاوي سره شريک کړي.
لوی څارنوالۍ له حبیب الله احمدزي غوښتي چې د روانې اوونۍ تر پايه خپل اسناد او شواهد ټاکل شوي پلاوي ته وسپاري ترڅو هر اړخیزې څېړنې وکړي.
احمدزي تازه له رسنیو سره خبرو کې ډاډ ښودلی چې د خپلو ادعاوو او تورونو په تړاو اسناد او شواهد لري.
لوی څارنوالۍ کار کوي چې د موضوع جديت ته په کتو ادعاوې په دقت وڅېړي او اسنادو ته په کتو به له رسنيو سره خپل مالومات شريک کړي.
څارنوالۍ ته د احمدزي د ادعاو قضيه په داسې مهال کې سپارل شوې ، چې نوموړي تازه په خپلو څرګندونو کې ویلي چې يو متر هم له خپلې خبرې شاتک نه کوي او اسناد او شواهد به لوی څارنوالۍ ته وسپاري.
