سبا به روسیه د کابل او مسکو د اړیکو سلمې کلیزې د نمانځلو کوربه وي.
له کابل څخه د سولې عالي شورا مشر د یو پلاوي په مشرۍ مسکو ته رسېدلی او د طالبانو له اړخه د ملا برادر په مشرۍ یو پلاوی برخه اخلي.
په یو وخت د طالبانو او افغان چارواکو وربللو پوښتنې راپورته کړي چې روسیه دا کلیزه د حکومتونو په کچه نمانځي او که د طالب او سیاسي مشرانو په کوربه توب.
له کابل او قطر څخه چارواکو ته بلنه ورکړل شوې چې د روسې او افغانستان ترمنځ د اړیکو سلمې کلیزې په نمانځغونډه کې برخه واخلي.
د سولې عالي شورا مشر کریم خلیلي د یو پلاوي په مشرۍ مسکو ته رسېدلی او د سولې عالي شورا تمه لري چې ګوندې طالبان او افغان حکومت ترمنځ به مخامخ خبرو ته زمینه برابره شي.
د سولې خبرو له پیل سره سم د کابل اړیکې له مسکو او بیا له امریکا سره په ښه حالات کې نه ښکاري چې د ځینو مسایلو پرسر خو بیا د واشنګتن او کابل اړیکې په ناسم وضیعت ته تللي دي.
خو پوښتنه دا ده چې دا کلیزه د دوو حکومتونو او که د طالب او سیاسي مشرانو په کوربتوب نمانځل کېږي او ولې طالبان او پخواني مجاهدین دې ناستې ته وربلل شوي دي.
د خلاصون لارې شورا مشر سید اکبر اغا داسې وایي (( د روسیې لخوا د افغانستان او روسیې د دیپلوماتیکو اړیکو سلمې کلیزې نمانځلو ته روسان خوشبینه دي او ځان مطرح کوي، خو په دې غونډه کې د مجاهدینو او طالبانو ګډون تاونانونه هم لري باید د خپل جهاد جواب ووايي.))
بلخوا د ولسي جرګې غړي واقف حاکم داسې ویلي (( روسیه کولی شي د افغانستان سولې او ثبات کې همکاره و اوسي، دغه اقدام ښه ګڼم روسیه کولی شي د افغان سولې لپاره طالبان وهڅوي، خو روسیه باید دولتونو سره اړیکې وپالي نه د افرادو او ډلو سره.))
له نن څخه پوره سل کاله وړاندې د ازادۍ ګټونکي پاچا غازي امان الله خان په واکمنۍ کې له روسې سره هوکړه لاسلیک شوه چې روسې په افغانستان کې مهمې بنسټیزې پروژو پیل کړې دي.
روسیې مرستې له افغانستان سره وړیا وې، خو افغانستان باندې له یرغل وروسته دا اړیکې ښې نه وې.
د دفاع پخوانی وزیر شاهنواز تڼی داسې وايي (( افغانستان زما په کفکر سره ضرورت لري د نړۍ تولو هیوادونو سره که هغه لیري وي یانږدې وي ښيې اړیکې ولري تر څو د افغانستان ستونزو کې مرستې و کړي او پر ځان بسیاء شي.))
ټاکل شوې د کابل او مسکو سلمې کلیزې په څنډه کې طالبان ، سیاسیون د سولې پرسر هم خبرې وکړي.
طالبانو له وړاندې ویلي چې د حکومت سره به خبرې نه کوي او په بین الافغاني ناسته کې د یو افغان لوري په توګه هرچا سره کېني.
