د نورم سټنډرډ ملي اداره: نیمروز کې د بې کیفیته تېلو ۲۶ ټانکرونه بېرته ایران ته ګرځول شوي

د نورم سټنډرډ ملي اداره مني، چې په نیمروز کې یې د بې کیفیته تېلو ۲۶ ټانکرونه، چې د دې ادارې له معیارونو سره یې مطابقت نه درلود بېرته ایران ته ګرځولي دي.

یادې ادارې په یوه خبرپاڼه کې ویلي، په دې وروستیو کې یې په جدیت سره د بې کیفیته تیلو د واردولو د مخنیوي لپاره عملي ګامونه پورته کړي دي.

یادې ادارې له ټولو سوداګرو غوښتي، تر څو هېواد ته با کیفیته توکي وارد کړي.